النهاردة حبيت اتكلم معاكم
ف موضوع بيشغل بال اى بنوتة فينا بعد الخطوبة وهو انها عايزة تعرف ياترى خطيبى كان يعرف بنات قبل كدة طيب كان بيحب طيب كان كان كان كان؟؟؟
واسئلة كثير بتدور ف دماغنا ومالة ياحببتى خليها تدووور وتلف
بس المصيبة بقى انها تطلع ع لسانك وتسئلى خطيبك اسئلة مليانة غيرة وشك
ياترى كنت تعرف بنت طيب كنت بتحب بنات طيب قولى انا مش هزعل منك
ولما يقولها تلاقيها ملوية والغيرة مليه قلبها والشك ويووووووة
وتعيش الراجل ف ايام ما يعلم بيها الا ربنا
طب ولية يافتوكة بتسئلى
عايزة تعرفى
طيب تعالى اعرفك كل حاجة من غير سؤال
يلا ركزى معايا واقرىء الاية الكريمة دى
{الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ
وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ}
(26) سورة النــور
اقرى دى كمان
الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ } ."العنكبوت"
ماشى ياستى قرينا الايات اية علاقتها بماضى خطيبنا
تعالى وحدة وحدة مع بعض
ربنا بيقول
الطيب للطيب و الخبيث للخبيث
وكما تدين تدان
يعنى ياقمر لو عايزة تعرفى ماضى خطيبك افتحى ماضيكى واقرىء فية
هل ياترى كنتى بتعملى حاجة تغضب ربنا ؟؟
هل ياترى كنتى بتبصى بصة حرام
كنتى بتكلمى شباب ع النت
كنتى بتضيفى شباب
بتتفرجى ع حاجات مش كويسة
طيب كنتى بتصلى
كنت بتقرىء وردك
بتقيمى الليل
ايوة بصى كدة وركزى
كل اللى كنتى بتعملية هو كان بيعملة
كنتى بتحاولى تبعدى عن الحرام
كنتى بتحافظى ع نفسك
هو كمان زيك
بس اوعى تزعلى ياقمر
ولا من نفسك ولا منه
المهم انك فتحتى مع ربنا صفحة جديدة من اول ما دخل حياتك
ارمى الماضى ورا دهرك
لان دة فتنة ربنا بيقول احسب الناس ان يتركو يقولو امنا وهم لا يفتنون
يعنى دة فتنة كلنا معرضين لها عشان يعرف مين الصالح ومين مدعى الصلاح
المهم ان احنا نبعد عن الفتنة دى ونتجنبها عشان نثبت ايمانا
نثبت ان احنا بنحب ربنا بجد مش مجرد كلام ع اللسان
والفتنة دى بتختلف من انسان للتانى حسب درجة ايمانة
تلاقى اللى بيقول ان عمرى ما اسرق يتحط ف موقف ممكن يخلية يسرق
اللى بيقول عمرى ماارتشى يعرض لموقف يرتشى فية
اللى بيقول انا بغض بصرى
تلاقى يعرض لفتنة ينظر نظرة محرمة
وهكذا
ولكن الفيصل هل هيقع ف الحرام
ولو وقع غصب عنة هل هيستمر لا هيتوب
لو خطيبك بيعمل حاجة تغضب ربنا
لو لة ماضى ومش قادر يبعد عن ماضية اقعدى معاة وكلمية
ادعية خلية يتوب ع ايدك عشان تاخدى اجر فية
قال الرسول صلى الله عليه وسلم "لأن يهدي الله بك رجلا واحدا خير لك من حمر النعم"
قولى لة ان دة فتنة واختبار من ربنا ربنا بيختبر ايمانك بيها
بيشوفك هتقع ف الغلط ولالا
زى عابد بنى اسرائيل اللى كان بيظهر التقى
ولكن وقع ف الخطيئة ومات ع كفر
عارف لية ؟؟
عشان ايمانة مكنش من قلبة كان ظاهرى بس للناس
ولكن ربنا اللى مطلع ع قلبة
عرضة لفتنة عشان يثبت هو صالح ولا بيدعى الصلاح
وانت ياقمر لو عرفتى حاجة مش كويسة عن خطيبك دورك انك تسترى علية مش تقولى للى جاية واللى رايحة
تقعدى معاة وتعتبية بحب مش تحسسية ان دى نهاية العالم وان انسان زىة مش هيليق بيك
لان ممكن تكون اول مرة
او ممكن يكون احساس الذنب جواة جامد بس مش قادر يبعد عن الغلط
وانتى بحبك ورفقك بية هتخلية يبعد عن الغلط
وكلنا معرضين للوقوع
ف الخطأ
واهم حاجة لازم تفرقى بين انة بيغلط ف حقك
و انة بيغلط ف حق نفسة
يغلط ف حقك لما يشتمك او يمد ايدة عليك
او يبعدك عن اهلك لما يجبرك تعلمى حاجة انتى مش عايزاها
يغلط ف حق نفسة لما يبص نظرة محرمة لما يكلم بنت ع الشات
او على التليفون
كدة بيغضب ربنا علية
وكدة انسان مذنب محتاج حد يورية الطريق الصح
مش تروحى تقلبى علية وتتخانقى معاة
انسى الماضى وافتحى صفحة جديدة
قولى لة من النهاردة امبارح مش بتاعك و لا بتاعى
انا مسمحاك ف كل اللى فات بس اللى جاى مش هسمحك فية
من النهاردة نفسك وروحك وقلب وعينك ملكى انا
اوعى تعمل حاجة تغضب ربنا عشان ندخل الجنة
وربنا يبارك لنا ف زواجنا ويرضا علينا
اوعى تعمل الحرام عشان ربنا بيقول كما تدين تدان
وانا عمرى ما هعمل حاجة تغضب ربنا
ولو انت وقعت ف الغلط خليك متاكد ان احنا نفترق
لان الطيبون للطيبات
