نفترض انك بتحب حد
وانك ضايقت حبيبك وزعلته
طبعا ضميرك هيأنبك
و تقعد تلوم نفسك انا ازاى عملت كده ويمكن متعرفش تنام
وتتخنق وتبكى وتبقى تعبان ومهموم
و تفكر و تحتارو تفكر مليون مرة ازاى تصالحه و تقوله انا آسف!!
وتزعل لو ضايقته او لو هو ضايقك وتقول ازاى انا هنت عليه
تعرفوا مين ده اللى انتوا زعلانين عل زعله و ميهونش عليكم زعله؟؟؟!!
ده.. مخلوق زيه زيكم
يعتبر عبد لله أو أمه لله
وهنا ....أيوه هنا
هنا بقا
اها نقول السؤال؟؟؟
يا ترى كام مرة هان عليك ربنا؟!
كام مره نمت و انت مش فار ق معاك انك أغضبته؟!
كام مره نمت و انت سايب صلاة واجبة؟!
كام مره نمت و انت مكلفتش نفسك تقول ... أستغفر الله!!!
عشان يسامحك على ذنب عملته
أو تستغفر لذنب عملته ومخدتش بالك
سألت نفسك كام مرة بكيت عشانه ؟!
مهانش عليك؟!
طب محسيتش انه حبيب ليك وانت مزعله ونفسك تصالحه؟!
محسيتش انك قصرت فى حقه؟!
متألمتش ومسألتش نفسك وانت فى الموقف الفلانى . . . . . يا ترى هو راضي عنك ولا ؟؟!!
طب مفكرتش انه بينظر إليك
افتكر الكلمتين دول دايما
"هانوا عليه فعصوه لو عزوا عليه لعصمهم"
"لا تجعل الله اهون الناظرين اليك"
عشان ربنا ممكن يبقى اهون الناظرين اليك
فى الطاعة
مش فى المعصية وبس
تلميذ الامام احمد بن حنبل كان بيختم القران كل ليلة فى القيام
بس خلى بالك؟!!!
مكنش بيتدبر القران
رغم انه بيعبد ربنا وبيعمل طاعة
الا ان ربنا كان اهون الناظرين اليه
وانت !!!
ربنا كام مرة كان اهون الناظرين اليك فى الطاعة ؟؟؟
كام مرة صليت زى الالة ؟؟؟
حركات وبس
فى دقيقة تكون خلصت صلاة
كام مرة قريت القران ؟؟؟
وانت مبتدبرش
كام مرة وانت بتقرا القران؟؟؟
كنت مركز مع كلام اللى حواليك
ومش مستحضر هيبه القران
مش مركز
كام مرة كنت بتصلى ؟؟؟
مش مركز فى الصلاة
انت عارف لما بتلتفت لغير الله فى الصلاة
ربنا بيقولك
أ لخير منى ؟؟؟
اللى انت ملتفت ليه دة يا عبدى احسن منى ؟؟؟
يااااااااااااااااااااه
ربنا بيقولك كدة
بذمتك مش مكسوف من نفسك؟؟؟
دة فى الطاعة
طب كام مرة كان ربنا اهون الناظرين اليك
فى المعصية؟؟
كام مرة خرجت مع اللى مصاحبها؟؟
كام مرة قلتلها وقالتلك كلام مينفعش تقولوه ؟؟
لانكم مش متجوزين!!
كام مرة سبتيه يمسك ايدك؟؟
كام مرة كدبت ؟؟
كام مرة غشيت؟؟
كام مرة اغتبت؟؟
طب مسألتش نفسك كام مره نمت و انت قد أغضبته؟؟!!
طب قلتله أنا آسف ما تغضبش علي يا رب ؟؟
طب مش نفسك تتكلم معاه؟؟؟!!
هتقولى هتكلم معاه ازاى؟؟!
!
عن طريق سجدتك و انت بين ايديه ده اقرب ما يكون العبد إلى ربه وهو ساجد..
نفسك يرد عليك يقولك انا سمعك؟؟!!!!
اقرأ القران ايوه اقرأ القران..
إذا أردت أن تكلم الله فعليــك بالصــــلاة
وإذا أردت أن يكلمك الله فاقرأ القرآن ...
طب محسيتش فى مرة انه حبيبك
هو اللى عالم كل اسرارك قبل ما تعلمها
مفكرتش تطلب منه المعونة و يقف جنبك بصلاة استخارة؟؟!!
طب محبتش تشكى همومك ليه ؟؟
طب مسألتش نفسك لو حبيبك سابك
و كل صحابك و جيرانك و اهلك متخانقين معاك
وبقيت لوحدك بتبكى و الدنيا متقفلة فى وشك
هتعمل ايه مين هيسمعك مين هيطبطب عليك
محبتش يكون فيه واحد معاك عالم بالي بيك ويري كل حزنك ودموعك,
معاك و بيناديك وبيقويك تناديه
عشان يرد عليك ويقولك
لبيك عبدى لبيك
يا اللٌــــــــــــــــــــــه
ربنا بيقولك
تعالى اسمعلك ..تعالى اسعدك احللك مشاكلك ..
ربنا يريد لك الراحة وانت مش بترضيه ..
للدرجة دى هان عليك ؟؟؟!!!!
تخيل وانت بتعمل ذنب كبير
ربنا يراك ومع ذلك بينجينا و يحفظنا
و يفرح لما نرجعله
وبعد ده كله تنام عادى كده ولا همك غضبه
مفكرتش ان بأخذة عزيز مقتدر يقبض روحك اللى انت فرحان بيها فى لحظه
و يقولك خلاص آن الأوان
مفكرتش هتقوله ايه؟؟!!
هتقله يا رب انا كنت بزعل على زعل حبيبى وعظمتك يارب لا ؟؟!!!
محسيتش فى مرة أنه
الوحيد اللى عنده قدرة عظيمة على المسامحة
و مهما تعمل و ترجعله بيغفر لك تعالى عشان بيحبك بجد
وفى الاخر انا هسبكم تفكروا وتسألوا نفسكم
انا ازاى هان عليا عدم رضا ربنا ازااااااااااااااى؟؟!!!ـ
يلا كلنا قبل ما ننام نتوب
ونرجع لربنا حبيبنا
ونقله سامحنا يا رب
سامحنــــــــــــــــــــــا
