" السلام عليكم اخوة الايمان طبتم وطاب ممشاكم وتبوأتم من الجنة مقعدا "
انا جاية اتكلم معاكو النهاردة ع حاجة طبت ف دماغي مرة احدة! اغلبنا أكيد عارفها ..
ملحوظة " كملوا الموضوع للآخر "
مش ملاحظين ان معظم المجرمين لما تيجي المحاكمة بتاعتهم ..! بيكونوا عاملين اييييييييه!
.
.
.
.
.
.
الّي ماسك سبحة وعمّال يسبّح !
.. والّي ماسك مصحف وبيقرأ قرآن ..! والّي بيدعي !
كل ده ليييه ..؟ عشان محاكمة دنيوية ! هيكون مصيرهم ف الدنــيا ايه!
كله مستني مصيره هيبقي ايه " اعدام ..سجن مؤبد .. ولا براااااااااااءة "
تعالو نفكر ..
المنظر ده مش بيفكركم بحـــاجة ..
ممممممممممممممم
يوم القيــــــــــامة .. أغلبنا عارف ان باب التوبة بيتقفل !
صح ؟
شوف الآية دي كدة :
(يَوْمَ يَأْتِي بَعْضُ آياتِ رَبِّكَ لا يَنْفَعُ نَفْسًا إيمَانُها لَم تَكُنْ آمَنَتْ مِن قَبْل أو كَسَبت في إيَمانِها خَير)(الأنعام:158)
شوف الحديث ده كمان ..
((لا تنقطع الهجرة ما تقبلت التوبة, ولا تزال التوبة مقبولة حتى تطلع الشمس من المغرب, فإذا طلعت طبع على كل قلب بما فيه, وكفى الناس العمل)) رواه احمد والطبراني
وده يا سيدي كمان
((إن الله عز وجل جعل بالمغرب باباً عرضه مسيرة سبعين عاماً للتوبة لا يغلق ما لم تطلع الشمس من قبله، وذلك قول الله تبارك وتعالى: يَوْمَ يَأْتِي بَعْضُ آيَاتِ رَبِّكَ لاَ يَنفَعُ نَفْسًا إِيمَانُهَا))
رواه الترمذي
- ايييه دا يعني خلاص مش هيبقي في دعاء مقبول ! يعني مينفعش اتووب يعني مش هينفع اتضرع لربنا ساعتها !! عشان يسامحنى عالبلاوي السودة الّي عملتها ف الدنيا دي!
- لااااا طبعا يا فالح .. ماهو لو كان ينفع كان كله هيعمل كدة .. كله كان هيعمل ذنوب ومعاصي ويقول دا انا يوم القيامة هتوب وادعي !!
"المجرمين كانوا بيتضرعوا الي الله انه ينجيهم م العذاب الّي مستنيهم ده .. كله كان ناسي ربنا وافتكره لما جه ف وقت صعب محتاج فيه لربنا!!
ودي طبعا صورة مصغرة جداااااااااااااااااا من مشهد يوم القيامة
كل الّي عاوزة اوصلهولك .. ان باب التوبة لسة مفـــــــــتوح لأي حد ..
-أي حد! حتي الّي ضيع ايامه ف المعاصي والمحرمات !!؟؟؟!!
أيون .. اسمع كدة .. قال تعالي :
" قُل يَا عِبادِي الذينَ أسْرَفُوا عَلى أنْفُسِهم لا تَقْنَطوا مِن رَحْمَةِ الله إنّ الله يَغْفِرُ الذُّنُوب جَمِيعًا } (الزمر:53)
ربنا بيحبك عشان كدة بعتلك رسايل ودلّك على حد ينصحك ..
ليه بتسوّف لغاية دلوقت! ليه بتقول هتوب بكرة ..طب لما اخطب .. طب لما يجيلي عريس... مممم لما اكبر شوية ..
يا شبــــــــــاب ويا بنـــات
" دلوقت معظم الّي بيموتوا ف سننا .. وللأسف بيموتوا علي ايه ؟
"مسلسلات واغاني وكليبات ماجنة ومبيقات وسهرات وحفلات وشات"
اهم دول كان ف دماغهم ايه ..
كل واحد منهم كان بيقول :
" اتمتع يومين كدة بعدين اتــوب !! .. امشي مع دي ولا دي بعدين ربنا يهديني بقي متحبكوهاش اوي"
بس للأسف نسيوا ان الموت جي ف أي لحظة ! نسيوا ان الموت ميعرفش كبير ولا صغير!
لييه دا كله عشان اييه بس ! .. عشان سعادة مؤقتة مزيفة !
ليه عايشين حياتنا من غير اهداف كلها تفاهات ومعاصي وذنوب !
وبعدين تتفاجء بملكين ييجوا يشدوك من قفاك ولا من راسك
وتُفاجئ برب العـــــــــــالمين "جل فى علاه "
بيقول " خـــذوه الي " النـــــــــــــــار "
انا عاوزة افهم .. انت مستني اللحظة دي ؟ انت بتعصي ربنا وبتعمل ده كله عشان عاوز اللحظة دي ؟؟ ..
نفسك تشوفها؟
-لا طبعا انت اتجننت ! ..
- امال ليه قاعد وعمال تسوّف وتقول بكرة بكرة ؟؟
ايش ضمنك يا أخي ان بكرة ده هيعدي عليك اصلااااااااا !!
- انت تعرف علم الغيب؟؟
- لا طبعا استغفر الله
امال ليه مش عاوز تقرررب
والله ربنا هيسمعك ف أي وقت ربنا معـــــــــــاك .. عمره ما هيسيبك
عمرك ما هتلجأ اليه "جلّ فى علاه "
وتلاقيه مشغول ومش فاضيلك !
ممكن بشر يقولك كدة
لكن رب البــــــــــشر ..لاااااا
الجأ انت بس اليه وشوف هترتاح ازاي
والله ما هتلاقي حد أحنّ عليك منه ...
انت عارف ان ربنا يتنزّل كل يوم السمــاء الدنيا ( نزولا يليق بجلاله وعظمته ) مخصوص عشانك !!
عشـ ـ ـ ـ ـ انـ ـ ي !!!
أنا .. !!
ايوة انت : اسمع كدة : قال رسول الله صلّ الله عليه وسلّم :
" إنّ الله تعالى يمهل حتى إذا كان ثلث الليل الأخير ينزل إلى السماء الدنيا فيقول :
هل من تائب فأتوب عليه ؟
هل من مستغفر فأغفر له ؟
هل من سائل فأعطيه ؟
حتى يطلع الفجر " رواه البخاري ومسلم
شفت يعني مش مكفيك دا كله!!
بعد كله دا مش عاوز تقرب !
طوبى لمن سهرت بالليل عيناه……. وبات في قلقٍ في حبِّ مولاه
وقام يرعى نجوم الليل منفـردًا……. شوقًا إليه وعين الله ترعـاه
ربنا يهديك ويتوب علينا وعلي شباب وبنات المسلمين
الحق بقي البـــــــــــــــاب قبل ما يتقفل !!
