المساهمات : 193 تاريخ التسجيل : 12/02/2013 العمر : 33
موضوع: كرات اللحمة الأربعاء مارس 06, 2013 6:36 pm
المقادير:
½ كيلو لحمة مفرومة
2 ملعقة صغيرة زيت زيتون
¼ ملعقة صغيرة فلفل أحمر
½ ملعقة صغيرة فلفل أسود
½ ملعقة صغيرة بقدونس
3 كوب صلصة طماطم
¼ ملعقة صغيرة توابل
¼ ملعقة صغيرة زعتر
1½ ملعقة صغيرة ملح
¼ كوب جبنة رومي مبشورة
½ ملعقة صغيرة ثوم مفروم
½ كوب بقسماط
¼ كوب لبن
بيضة
الطريقة:
1- ضيفي على البقسماط اللبن والبيضة والثوم وزيت الزيتون والفلفل الأحمر والبقدونس والزعتر والتوابل، وابدئي اخلطيهم مع بعض لحد ما يبقى الخليط متجانس، وسيبيه على جنب.
2- ضيفي على اللحمة الفلفل الأسود والملح والجبنة الرومي، بعد كده ضيفيها على الخليط السابق واخلطيهم مع بعض، وبعد كده هاتي صينية وغلّفيها بورق فويل وادهنيها بزيت الزيتون، وابدئي اعملي العجينة على شكل كور وحطيهم في الفرن لحد ما يبقى لونهم بني.
3- طلّعي كرات اللحم من الفرن وغطّيهم بصلصة الطماطم، وسيبيهم على النار وقلبيهم لمدة من 15-30 دقيقة، بعد كده ارفعي كرات اللحم من على النار وضيفيهم للمكرونة وقدميه..
